Komin á leiðarenda

Þá erum við komin alla leið til Guelph.

Ferðin gekk eins og við vorum búin að reikna með. Við fórum frá Halifax klukkan 9 í morgun og vorum komin til Toronto og búin að fá bílaleigubílana um klukkan tólf. Við þurftum að taka tvo bíla á leigu vegna þess hve fyrirferðarmikill farangurinn okkar var. Keyrðum síðan í halarófu til Guelph þar sem við komum okkur fyrir á Holliday Inn hóteli bæjarins. Þar ætlum við að vera í nótt en við fáum síðan húsið afhent í fyrramálið.

Hér er núna sól og blíða og brakandi þurrkur. Hitinn eitthvað nærri 25 stigum.

Stefnum á að fara í bíltúr um bæinn nú á eftir til að finna út hvar við komum til með að búa.  Við viljum líka átta okkur aðeins betur á staðnum heldur en við höfðum tækifæri til að gera þegar við komum hér í vor.

Það er svolítil ferðaþreyta í mannskapnum enda ekki furða eftir þetta ferðalag. Sennilega verður farið snemma að sofa í kvöld svo allir verði ferskir í fyrramálið.

 

Athugasemdir

[Anna Ólafsdóttir (anno) (IP-tala skráð) 19.8.2007 kl. 22:04]

Gott að fá fréttir af ferðum ykkar og að allt hafi gengið vel. Húsbandið biður að heilsa. Var að koma af menningarnæturgiggi, þreyttur en ætlar að biðja um "add" þegar hann fer inn á bloggið sitt næst. Gangi ykkur allt í haginn, bið að heilsa Hugrúnu og hlakka til að heyra hvernig nýju híbýlin líta út

[Bernharð Haraldsson (IP-tala skráð) 20.8.2007 kl. 13:19]

Blessuð!

Gott er að heyra að allt gekk vel hjá ykkur.

Bestu kveðjur

Benni

[Þórleifur Stefán Björnsson (IP-tala skráð) 22.8.2007 kl. 12:46]

Sæl,

Glæsilegt að heyra að allt hefur gengið að óskum.  Nú er bara að koma sér fyrir, taka 200 kg. upp úr töskum, leita svo að kanadíska Netto, Bónus, Greifanum og öðrum mikilvægum stöðum.

Tolli

[Pálmi Gunnarsson, 22.8.2007 kl. 13:48]

renna þær niðurávið í Toronto - er sporðurinn réttu megin á Torontískum fiskum  þ.e. synda þeir í rétta átt..

report please