Nýársdagur - Kennedy Space Center

Maður er ekki vanur því að vera mikið á flakki á nýársdag. Venjulega hefur verið frekar seint að sofa kvöldinu áður á okkar heimili og því  hafa flestir sofið frameftir þann fyrsta janúar ár hvert. Því að ekki að dreifa núna því tíminn skal sko notaður vel á meðan við erum á þessu flakki okkar.

Í morgun var stefnan tekin á Cape Canaveral til að athuga hvað menn eru að fást við í geimvísindum í dag.

Þarna er allt á fullri ferð þrátt fyrir að á Íslandi sofi flestir frameftir í dag. Það var margt að skoða og sjá á þessum stað. Við innganginn var leitað á öllum sem fóru inn og var það svipað og gerist og gengur á flugvöllum. Svæðið er nokkuð stórt og því eru rútur sem flytja fólk á milli staða, skotpalla, stjórnherbergja, samsetningarstað fyrir geimstöðvar og fleira og fleira. Svæðið er friðað og mikið dýralíf innan þess. Við rákumst á nokkra krókódíla, skjaldbökur, skallaerni og ég veit ekki hvað og hvað.

Við notuðum tímann mjög vel og vorum þarna fram að lokunartíma og enduðum á því að fara í þrívíddabíó þar sem var verið að sýna mynd um mannaðar ferðir til tunglsins en nú er farið að tala um að taka þær upp aftur. Þetta var hinn skemmtilegasti dagur á allan hátt. Myndir eru komnar á sinn stað.

Athugasemdir

[bj (IP-tala skráð) 5.1.2008 kl. 18:07]

Komið þið sæl og gleðilegt ár!

Ef þeir hefðu haft spurnir "trúarhita" þínum í rakettuáhugamálum þínum Addi, þá hefðu þeir ekki hleypt þér inn.  Ég þykist vita að þú hafir átt bágt með þig að setja ekki eld í þessar flaugar sem eru þarna í "fjölskyldupakkanum" hjá Sámi "frænda". Það getur verið að það hafi sést að þú varst ekki hér á Norður-Brekkunni, en við Gústi granni sækjum í okkur veðrið í þessum málum og vorum þokkalega duglegir.  Ég hafði talað um það (áður en ég heimsótti þá í Súlum) að ég ætlaði að vera nettur á þessu í ár (vegna veðurs og svona til að taka tillit til skoðana annarra) en svo fór sem fór. Terturnar bar nokkuð góðar (og nokkuð margar), og sýndist mannir Gunnlaugur Ormstunga bara nokkuð hressilegur (gaf góðan þrýsting á viðstadda). 

Ég sé svo að þið hafið sama veðrið eins og venjulega um áramót. Það sýnist ekki amalegt að vera þarna úti, þó svo hér í "Skurðinum" (Eyjafirði) séu ekki nein sérstök illindi í veðrinu. Annað en sum staðar (hér á Íslandi), þar sem mælar sýndu 3ja stafa tölu í metrum á sekúndu.

Hafið það áfram gott í Könudu.  Með bestu kveðju frá okkur Sigrúnu. bj.