Í dag er hann svalur

Já það er frekar svalt hér í Guelph í dag. Það lá við að eyrun frysu af mér á meðan ég beið eftir strætó í morgun. Hitamælirinn í háskólanum sýndi 19 stiga frost og þegar búið er að taka vindkælingu inn í dæmið þá er frostið komið niður í u.þ.b 30 stig eða svo. Það er glampandi sól og út um gluggann var flott að sjá en þetta getur platað mann svolítið og betra að vera rétt klæddur þegar farið er af stað. Ástæðan fyrir þessum kulda er sú að hæð sem venjulega heldur sig aðeins norðar flutti sig til og dælir nú heimskautalofti hingað niður yfir okkur. Á morgun á að vera svipaður kuldi og þá á að fara að sjóa en svo á að hlýna aftur á miðvikudaginn. Það hefur snjóað talsvert meira hér það sem af er vetri en gert hefur undanfarna vetur. Samtals hefur fallið 118 cm af snjó það sem af er og þar af eru yfir 50cm í febrúar. Kuldinn hefur líka verið talsvert undir meðaltali síðustu ára. Það fer hinns vegar að styttast í vorið og sól og sumar í framhaldi af því.

Athugasemdir

[Hilda (IP-tala skráð) 13.2.2008 kl. 06:33]

Heill og sæll. Það var kalt í Minnesota um árið, en ég held það hafi verið barnaleikur miðað við þessi ósköp. Það er gott að það verðiur farið að hlýna þegar mamma þín kemur í vor. Ég hitti hana á sunnudaginn og það kom glampi í augun á henni, þegar hún talaði um að fara til  ykkar. Hér hefur verið vetur, en ef veðurspáin gengur eftir, er hann á  undanhaldi. Ég óska ykkur alls góðs í kuldanum.