Toronto

Í dag brá restin af Adamsfjölskyldunni sér til Toronto ásamt gestum. Þessi ferð var ákveðin fyrir löngu og til stóð að fara og skoða gamlar bruggverkmiðjur sem búið er að breyta í alls konar gallery og vinnustofur listamanna af ýmsu tagi. Þarna er mjög gaman að koma og mannlífið óskaplega skemmtilegt. Enginn er svikinn að koma þarna við og tíminn er fljótur að líða á svona stað. Við röltum um svæðið og skoðuðum alls kyns list og fylgdumst með fólki sem þarna var á ferðinni, fengum okkur að borða og spjölluðum við listamenn sem voru að vinna að verkum sínum.

Eftir bruggverksmiðjurnar var haldið í heimsókn til Haraldar Bessasonar og Margrétar Björgvins. Á þeim var tekið hús og áttum við góða stund á pallinum í bakgarðinum hjá þeim þar sem drukkið var kaffi og spjallað saman um stund.

Við gátum ekki stoppað lengi hjá þeim því enn var á dagskránni hjá okkur að fara í CN turninn og skoða Torontoborg úr lofti ef svo má segja. Þarna fórum við bræður með drengina eins hátt og hægt var að komast en konurnar létu sér duga að fara í neðri kúluna í turninum sem er á 114. hæð ef svo má segja. Við náðum að fara á 147. hæð en lengra fór lyftan ekki. Þetta var alltsaman hin besta skemmtun og við vorum svo heppin að vera þarna uppi í ljósaskiptunum þannig að við náum að sjá borgarljósin þegar myrkrið skall á. Turninn var þá umsvifalaust flóðlýstur í öllum regnbogans litum og er eins og eitt gríðarstórt listaverk að sjá.

Myndir dagsins eru að sjálfsögðu á sínum stað.

Athugasemdir

[Erna og Hordur (IP-tala skráð) 22.6.2008 kl. 23:35]

Gaman saman

Gaman að skoða myndirnar.

 Ég væri alveg til í að vera með ykkur, en ég hef bara ekki tíma núna!

Þarf að fara að flísaleggja:)

bless bless, bið að heilsa Mömmu.

Kjallararottan

[Lilý og Skari (IP-tala skráð) 23.6.2008 kl. 00:01]

Húrra fyrir myndum og húrra fyrir ykkur!

[Arnheiður Björk Harðardóttir (IP-tala skráð) 25.6.2008 kl. 19:51]

Takk fyrir barbíbílinn og barbídúkkuna Þetta er mjög flott og þið eruð mjög góð við mig Takk fyrir samveruna síðast. Bæ bæ sjáumst síðar.  Bið að heilsa ömmu Lilý og segið henni að ég sakna hennar

Kveðja Arnheiður Björk